Euskal Herriko Mugimendu Abolizionistako kide diren Durangoko Andereak elkarteko kideek prostituzioaren abolizioaren aldeko kanpaina bat hasi dute. Elkartetik jakitera eman dutenez, eguenetako elkarretaratze batzuetara prostituzioaren abolizionismoa eramango dute.
"Emakumeak ez gara merkantzia" oihukatuz, Estatu Espainiarreko erakunde abolizionistek eskatzen duten lege abolizionista bultzatu gura du Andereak elkarteak. Horrez gain, prostituzioa indarkeria matxistaren muturreko forma bat dela salatzen dute.