Herriko Hirigintza Antolamendurako Plan Orokorra (HAPO) Udala hirigintza arloan antolatzen duen tresna juridikoa da, lurzoru-motak eta haien erabilera, eraikigarritasuna, errepideen trazadura eta kokapena, ekipamendu-motak, eta abar zehazten dituena, besteak beste.
2016 eta 2017 urteetako diagnosi parte-hartzailea eta 2030eko Durangoko oinarri estrategikoen argitalpena egin ondoren, 2019ko uztailaren 17an Udaleko Osoko Bilkurak HAPO-aren idazketa lana egitea onartu zuen. Hori dela eta, aurrerapen-dokumentua idazteko fasean gaude, urtebeteko epean zehar egingo dena.
Herritarren eta eragileen parte-hartzea nahitaezkoa izango da HAPO-a lantzeko. Era honetan, parte-hartzeko hainbat bide jarriko dira martxan: sektoreetako eta herritarren informazio eta partaidetza-foroak, hala nola web tresnak; hori guztia herritarren eta eragileen parte-hartzea ahalik eta handiena izan dadin.