Sei hilabetez itxita egon ostean, irailean ostera irekiko ditu ateak San Agustin kulturguneak

Anboto 2020ko abu. 27a, 11:27

Hiru ikuskizun eskainiko dituzte kulturgunean irailean: Glu Glu konpainiaren Marierrauskin (irailak 6), La Baldufaren Safari (irailak 20) eta Khea Ziaterren Oymyakon (irailak 26) film eszenikoa.

Kulturaren aldeko apustuaren baitan kokatu ditu Arantza Arrazola San Agustineko koordinatzaileak programazioa eta kulturgunearen irekiera. "kultura gure istorioak kontatzeko, ospatzeko, iragana gogoratzeko, entretenitzeko eta etorkizuna irudikatzeko tresna baliotsua da" adierazi du. Urtea amaitu bitartean, hamabost ikuskizun gehiago eskainiko dira, "osasun alarmak eragindako ziurgabetasunagatik", baina, obrak hilero aurkeztuko dira. 

San Agustin kulturguneak ateak ireki ahal izateko, Osasun sailak ezarritako protokoloen neurriak beteko dira. Horrela, aforoa %60koa izango da, besteak beste. 

ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!