Sai bat sastraka artetik irten ezinik zebilela ikusita, herritar batek udaltzaingoei abisua eman die, 15:00 inguruan. Hauek tokira joan eta suhiltzaileei deitzea erabaki dute. Suhiltzaileek ingurua garbitu eta sastraken artera sartu dira saia handik ateratzeko. Saiak ez du zauri larririk. Suhiltzaileen parkera eraman eta han apur batean aske utzi dute atseden hartu dezan. Ondoren, bere habitatera itzuliko dute.