Azaroaren 27an onartu zen Durangoko udalbatzan tren geltokiaren galdeketa egiteko baimena Madrilgo ministroen kontseiluari eskatzea. Ordutik, erantzunaren zain egon dira.
Estazio zaharreko etxe dorreen planak zeresan handia eman du azken urteetan, eta 2019ko udal hauteskundeetan gobernu aldaketarako gakoetako bat izan zen.
Erabaki plataforma, pozik
Erabaki herri plataformak "poztasuna" agertu du sare sozialen bidez. "Gaurkoa berri oso ona da. Bide luzearen ondoren legeak babestu egiten gaitu eta azkenean galdeketa errealitate bihurtuko da. Durangarrok erabakiko dugu!".