"Zoritxarrez, aurtengo Euskal Jaiak bereziak izango dira. Horregatik, egoeraren araberako programazioa osatu dugu", adierazi dute Durangoko Udaleko sare sozialetan.
Hona hemen egitaraua:
EKAINAK 13 - LARUNBATA (San Antonio eguna)
- 12:00etan eta19:00etan; Suziriak jaurtiko dituzte.
- 12:00-14:00 / 19:00-21:00; Euskal Musika Ezkurdin.
EKAINAK 15 - ASTELEHENA
- Durangaldeko Artisten Elkarteak umeen arte erakusketa birtuala hasiko du, bere facebook orrialdean. 6-12 urte arteko gazteei bideratuta dago. Egindako artelanari argazki bat atera eta honako helbidera bidali daiteke ekainaren 15era arte: asociacionartisticadurango@gmail.com
Jasotako lanak euren facebook orrialdean erakutsiko dituzte ekainaren 15ean.
EKAINAK 18 - OSTEGUNA
- Dantza saio birtuala Txoritxu Alai, Tronperri eta Kriskitin dantza taldeen eskutik, Facebook-en.
EKAINAK 19 - OSTIRALA
- 19:00; Kalejira, Jaizale Durangaldeko Txistulari Elkartearen eskutik: Bartolome Ertzilla Musika Eskolako Txistulariak, Txiri-Txiri, Trikitixa eta Pandero Eskolak eta Sugarri Fanfarria.
EKAINAK 20 - LARUNBATA
- 10:00; Irrati-saioa, 'Euskal Jaiak uhinetan'. Durango Irratiaren bidez.