Duranguesa Txirrindularien elkarteak baieztatu du Emakumeen Laboral Kutxa saria uztailaren 26an jokatuko dela. Osasun agintarien onarpenaren esperoan eta UCIko protokoloen zain dauden arren, elkarteak azaldu du bere lehentasunen artean egongo dela parte hartzaileen eta ikusleen segurtasuna bermatzea. Horretarako, 2 metroko distantzia mantentzeko bideak aztertzen ari dela azaldu du.
Munduko txirrindulari talde erreferenteak egongo direla aurreratu dute. Ale Cipollini, FDJ, Bigla-Katusha eta Movistar egongo dira horien artean. Datozen asteetan argituko dute zeintzuk izango diren gainontzeko taldeak.