Atzo hainbat pintaketa agertu ziren Durangoko PSE-EEren Herriko Etxean. Bizkaiko sozialistek erasoa gaitzetsi zuten sare sozialen bidez. "Gaur gure Herriko Etxeari eraso egin diote. Intoleranteek besteekiko errespetu falta erakusten darraite egunero. Ez dituzte demokraziako arauak onartu gura", adierazi zuten. Ezezagunek 'amnistia', 'asesinos' (hiltzaileak) eta 'Patxi borrokan' bezalako mezuak ipini zituzten.
Herriaren Eskubidearen oharra
Bestalde, Herriaren Eskubideak oharra kaleratu du iluntzean. Bertan, "irmoki" gaitzetsi ditu PSE-EEren egoitzan agerturiko pintaketak. "Eraso honek ez dio ekarpenik egiten elkarbizitzari edo normalitate politikoari". Horrelako erasoak edota giza eskubideen urraketak gaitzesten dituela nabarmendu gura izan du alderdi moreak, gainera.