2021eko udal aurrekontuak lantzen hasteko asmoa agertu du Durangoko Udalak. Astelehenean argituko du prozesu osoaren bide-orria. Herritarrak bertan parte hartzera gonbidatu ditu. “Udalean gauzak beste era batera egingo genituela esan genuen, eta Aurrekontu Partehartzaileak horren adibide dira, izan ere, iazko esperientziaren ostean, aurtengoa bigarren aldia izango da Durangon horrelako prozesu bat martxan jartzen dela. Modu horretara, hurrengo urterako Aurrekontuetako zati bat durangarrek proposatu eta erabakiko dute”, adierazi dute gobernu taldetik.