Hondakin organikoen edukiontziak zarratu eta altzariak batzeko zerbitzuak eten ditu Durangoko Udalak

Atzeratu egin ditu, halaber, alde zaharreko merkatarien hondakinak gaika batzen hastekoa zuen zerbitzua eta bizilagunen hondakinak edukiontzi mugikorren bidez batzen hastekoa zuen zerbitzua. Neurriek koronabirusaren zabalkundea saihestea dute helburu.

Hondakinak batzeko zerbitzuek honako aldaketak dituzte aurrerantzean:

  • Altzariak eta tresnak. Debekatuta dago etxeko altzariak kalera ateratzea. Zerbitzua eten egingo da behin-behinean, abisu berri bat eman arte
  • Hondakin organikoen edukiontziak. Estalkiarekin kontaktuak ekiditeko eta kutsatzeak saihesteko zarratu egin ditu beste abisu bat arte. Poltsa organikoak ematen dituzten makinekin ere neurri bera aplikatu du.
  • Edukiontzi mugikorrak eta merkatarien hondakinen gaikako bilketa. Zerbitzua martxoaren 23an ipini gura zuen udalak martxan, baina atzeratzea erabaki du. Baita zerbitzu horiei buruzko informazio banaketa ere.
Durangaldeko albiste garrantzitsuak edo azken ordukoak whatsapp bitartez jaso gura dituzu? Bidali ALTA 688 635 041 telefono zenbakira.