AP-8 Peajerik Ez Plataformak egindako deialdia izan da. Autopistako ordainsaria kenduta, trafikoa handik bideratu eta N-634 errepidean dabiltzan bizikleta zaleen segurtasuna handituko litzatekeela uste dute. "Errepide honetatik 24.000 ibilgailu baino gehiago ibiltzen dira egunero eta horrek Bizkaiko errepide saturatuena eta arriskutsuena bihurtzen du", adierazi dute antolatzaileek ohar batean.