Tabira Igeriketa Taldeko gazteek brontzezko domina irabazi dute Espainiako txapelketan

Domina irabazi duten lau gazteak proba amaitu ostean.

50 metrotan erreleboka aritu dira Julen Azkarate, Erenoitz Barrenetxea, Iñigo Fernandez de Arroiabe eta Adrian Fernandez.

Emozio handiko proba izan da eta azken metroan erabaki dira dominak. Azkenean brontzezkoa eskuratu dute eskualdeko igerilariek.

Espainiako salbamendu eta sokorrismo txapelketa Torreviejan (Alacant, Valentzia) ari dira lehiatzen egunotan. Durangoko taldeak zortzi ordezkari eraman ditu. Arratsalde honetan zein asteburuan zehar beste hainbat probatan parte hartuko dute.

Durangaldeko albiste garrantzitsuak edo azken ordukoak whatsapp bitartez jaso gura dituzu? Bidali ALTA 688 635 041 telefono zenbakira.