Taxi lagun zerbitzua, bosgarren edukiontzia eta auzo kontseiluak udarako martxan izatea gura ditu Durangoko Udalak

Durangoko Udalak jakitera emandako 21 neurriak eta horien gaineko azalpenak:

1. Ludoteka zerbitzua abian jartzea: ludotekaren bidez, haurrei aisialdirako
   espazioak eskaini nahi zaizkie, beren adineko pertsonekin harremanak izan ditzaten,
   haien garapen integralerako diseinatu eta bideratutako jolas-jardueretan.
2. Gazteleku zerbitzua abian jartzea: Gaztelekuaren bidez, Durangoko gazteei
   aisialdirako guneak eskaini nahi zaizkie, beren adineko pertsonekin harremanak izan
   ditzaten, beren garapen integralerako diseinatutako eta bideratutako jolas
   jardueretan.
3. Haur eta nerabeen autonomia eta osasunari begirako jarduerak garatzea:
   hainbat programa jarriko dira abian ikastetxeekin lankidetzan, MUGIMENT, “Eskolara
   lagunekin joatea”, “Jolas-eguna kalean”, etab.
4. Adinekoen Mahaia sortzea: Mahai honen bidez komunikazioa, elkarlana eta
   sinergiak hobetu nahi dira esparru horretan lan egiten duten udal elkarte eta arloen
   artean.
5. “Taxi lagun” zerbitzua abian jartzea: zerbitzu honen bidez, adinekoei edo
   mugitzeko arazoak dituztenei osasun-laguntza emateko mugikortasuna erraztu nahi
   da.
6. Indarkeria matxistaren ondorioz Durangon eraildako emakumeak omentzeko
   gunea: indarkeria matxistaren aurkako borrokan beste gune bat sortzea, indarkeria
   matxistaren ondorioz Durangon eraildako emakumeak omentzeko.
7. Sexu-aniztasuna ezagutu eta errespetatzeko jarduerak: Sexu-aniztasuna
   ezagutu eta errespetatzeko jarduerak antolatzea maiatzaren 17aren inguruan
   (Homofobia, Transfobia eta Bifobiaren aurkako Nazioarteko Eguna).
8. Bonbardaketen eta errepresio frankistaren oroimen-guneak seinaleztatzea:
   “Aztarnak” ibilbidean, informazio-panelak erabiliz, zenbait gune seinaleztatuko dira
   Durango Uriaren memoria biziaren parte izan daitezen.
9. Auzoetako Kontseiluak sortuko dira: Udalak eskaintzen dituen zerbitzuak deszentralizatzeko, eta auzoetako beharrizanei erantzuteko, behar beharrezkoa da auzoetako kontseiluak abian jartzea.
10. Auzoetako Zinegotzigoa sortuko da: Udala auzoetara hurbilarazi nahi dugu kudeaketa deszentralizatzeko. Auzoetako zinegotzia udalaren eta auzoetako kontseiluen ordezkaria izango da, eta auzoetako beharrizanak, kezkak eta iradokizunak jasoko ditu.
11. Aurrekontu Partehartzaileak herritarren proposamenetatik abiatuta:
    Durangarrei udaleko aurrekontuak garatzea ahalbidetu, halaxe, guztion artean, zein
    Durango mota nahi dugun erabaki ahal izango dugu
12. Aldundiari Durangoko katastroko balioak berrikusteko eskatzea: Durangon
    OHZren zerga eguneratzeko, Aldundiak katastroko balioak eguneratu behar ditu.
    Eskualdeen artean desberdintasun handiak daudenez, katastroaren balioak
    aldatzeko eskatuko diogu Aldundiari.
13. Azoka tematikoak antolatzea baserritarrekin eta ekoizleekin batera: neurri
    honen bidez lehenengo sektorea sustatuko dugu, elikadurako zirkuitu laburrak
    aktibatuko ditugu eta elikadura-subiranotasunari buruz kontzientziatuko gara
14. PERCO (Merkataritza Birgaitzeko Plan Estrategikoa) berria egitea:
    Merkataritzaren benetako egoera aztertuko dugu, sustapen- eta indartze-neurriak
    hartzeko
15. Durango osoan bosgarren edukiontzia (organikoa) jartzea: Murriztu,
    Berrerabili eta Birziklatzeko estrategiaren barruan, bosgarren edukiontziaren
    erabilera jarri eta sustatuko dugu.
16. Bilketa selektiboa hiriguneko saltokietan: lokal komertzialek sortzen dituzte hondakinen zati handi bat hirigunean. Hori dela eta, bilketa selektiboa martxan jarriko
    dugu
17. Udal mendien kudeaketatik datozen irabaziak udal mendietan inbertitzea:
    bertako espezieak landatuko dira, eta, ahal den neurrian, baso-lur gehiago
    eskuratuko da, udal mendien kudeaketari dagokionez udalaren subiranotasuna
    inplementatzeko.
18. Durangoko udal-titulartasuneko mendietan, oxido kuprosoarekin
    fumigatzea debekatzea: debekatu egingo da oxido kuprosoarekin fumigatzea, gure
    udal-mendiak kutsadurarik gabe egon daitezen.
19. Airearen Kalitatearen Mahaia martxan jartzea eta Ekintza Plana zehaztu:
    Airearen Kalitatearen Mahaia sortzea, inplikatutako eragile guztiekin batera
    (enpresak, herritarrak eta erakunde publikoak) Durangoko airearen kalitatea
    hobetzeko neurriak ezar daitezen.
20. Hirigune Historikoaren zarata mapa eta hartu beharreko neurriak adostu:
    helburua da neurriak ezartzea, alde zaharreko eragileekin batera, inguruko kutsadura
    akustikoa murrizteko.
21. Alde Zaharrean hondakinak biltzeko sistema berria: hirigune historikoan
    hondakinak biltzeko sistema bat ezarriko da bizilagunen eta komertziarien
    ekarpenekin eta uharte mugikorren sistema baten bidez.