Pertsona bat hilda aurkitu dute Durangoko kutxazain batean

Durangoko Frai Juan Zumarraga kalean dagoen Laboral Kutxako sukurtsalean etxegabeko pertsona bat aurkitu dute hilda. Autopsia egiteko Patologia Zerbitzura eramango dute, Ertzaintzak azaldu duenez.

Ertzaintzak goizeko 10:30ean jaso dute abisua esanez Laboral Kutxako sukurtsalaren barruan mugitzen ez zen pertsona bat zegoela. Anbulantzia eta medikua bertaratu dira eta baieztatu dute hilda zegoela. Ertzaintzak azaldu duenez bertan dira oraindik.

Autopsia egiteko Patologia Zerbitzura eramango dute gorpua. Horrek dinoenaren arabera ikerketa zabalduko du Ertzaintzak.

Durangaldeko albiste garrantzitsuak edo azken ordukoak whatsapp bitartez jaso gura dituzu? Bidali ALTA 688 635 041 telefono zenbakira.