“Prozesu honek erakusten du durangarrek modu aktiboan parte hartu gura dutela udalaren egunerokotasunean”, adierazi dute Iker Urkiza eta Jorge Varela gobernu taldeko zinegotziek.
Barikura arteko datuak kontuan hartuta (abenduaren 20a), 262 herritarrek botoa emana zuten Landako II kiroldegian; beste 980 herritarrek internet bidez emana zuten botoa. Udal gobernu taldeak jakitera eman duenez, 100 herritar inguruk hartu dute parte, auzoetan egin diren informazio bileretan.
Aurrekontu parte-hartzaileen bozketa urtarrilaren 3an itxiko da. Ordura arte, udal gobernu taldeko ordezkariek botoa ematera deitu dituzte herritarrak.