Ima Garrastatxu alkateak dionez "herritarrak modu zuzenean" hautatzeko aukera izango dute Durangon, "lehen aldiz". Ildo beretik egin du berba Julian Riosek: "herritarren eskari historikoa da hau. Durangarrok, denon artean erabakiko dugu, aurrekontuaren zati bategaz zer egingo dugun". Bozkatzeko epea abenduaren 16tik urtarrilaren 3ra arte zabalduko da.
Saio irekiak eta bozketak
Prozesu parte-hartzaile honi buruz informatzeko, udalak bilerak egingo ditu herritarrekin. Abenduaren 16an Elkartegian egingo dute, 17an San Faustoko elizan, 19an Zabalarra eskolan eta 20an udaletxeko bilkura aretoan. Saio guztiak 19:00etan izango dira. Botoa emateko hautetsontziak liburutegian, Landako II kiroldegian eta Herritarren Arreta Zerbitzuko bulegoan egongo dira. Web bitartez ere bozkatu ahalko da partehartu.durango.eus atarian. 16 proposamen horien artean hiru bozkatu beharko dituzte herritarrek.
16 proposamenak, banaka • 1) Ibaizabal parkean kirol-entrenamendurako guneak sortzea • 2) Landako I kiroldegiko eskalada boulderra hobetzea • 3) BTT bizikletak garbitzeko postua ipintzea • 4) Udalaren web orria berritzea • 5) Airearen kalitateari lotutako informazio panela ipintzea • 6) Zuhaitzak landatzeko kanpaina • 7) Umeen parkeak eta txintxaunak hobetzea • 8) Puntu beltzak eta itzalaldiak ekiditeko kuadro elektrikoen partida handitzea • 9) San Fausto jaien diru-partida handitzea • 10) Etxebizitzen alokairurako laguntzak handitzea • 11) Ke detektagailuak ipintzeko diru-laguntzak handitzea • 12) Herritarren partaidetza sustatzeko web orria sortzea • 13) Disuasio aparkalekua ipintzea Gernikako Arbola biribilgunearen ondoan • 14) Mikeldi idoloa berreskuratzeko lanak egitea • 15) Herri-ortuak sortzeko proiektua diseinatzea • 16) Aldagela berriak eraikitzea Tabira polikiroldegian |