Artisautza tradizionala zein garaikidea bultzatzea eta merkaturatzea helburu duen Euskal Dendak aurten ere "publikoaren babesa" izan duela azaldu dute prentsa ohar bidez Euskal Dendaren antolatzaileek. "Salmentak oso onak izan dira, eta, sartu diren guztiek zer edo zer erosi dute”, esan dute antolatzaileek.
Horretaz aparte, Euskal Dendara hurbildu diren guztiei eskerrak eman dizkiete antolatzaileek izan duten pazientziarengatik. "Euskal Dendak edukiera oso mugatua du. 506 lagun egon daitezke bertan, eta horretan zorrotzak izan gara", esan dute. Horrek, ilarak eragin ditu. "Jendeak izugarrizko pazientzia izan du, eta jarrera ona. Gainera, konturatu gara gero eta publiko kontzientziatuagoa dugula", jarraitu dute.