Tren zerbitzu bereziak eskainiko ditu Euskotrenek Durangoko Azokan

(Argazkia: @euskotrenEJGV)

Gaur, bihar eta etzi zerbitzua indartuko dute.

Durangoko Azoka dela eta, abenduaren 6an, 7an eta 8an E1 eta E3 lineetako ohiko zerbitzua tren bereziekin indartuko du Euskotrenek, ohar batean informatu duenez. Hauek dira indartuko dituen lineak:

•    Matiko – DURANGO – Zaldibar:  goizetan jaiegunetako ohiko zerbitzua mantenduko da. Aldiz arratsaldez trenak ordu erdiro eskainiko dituzte. 

•    Zaldibar – DURANGO – Matiko:  Trenek arratsaldez ere ordu erdiro zirkulatuko dute, aldiz goizetan zerbitzua orduro egongo da, egunaren lehen orduan errefortzuren batekin.

•    Lezama – DURANGO: Abenduaren 6an, 7an eta 8an 11:07, 12:07, 16:07, 17:07, 18:07, 19:07, 20:07 eta 21:07an Lezamatik Durangora tren bereziak irtengo dira (trena aldatu gabe). Geldialdia ohiko geltokietan egingo dute. Gainerako E3 lineak jaiegunetako ohiko ordutegia izango du

 

 

Durangaldeko albiste garrantzitsuak edo azken ordukoak whatsapp bitartez jaso gura dituzu? Bidali ALTA 688 635 041 telefono zenbakira.