"Elkartea ixteak ez du suposatuko, hala ere, gu Durangotik joatea ezta ditugun lan eremuak bertan behera uztea ere", azaldu du Koldo Katxo jesuslagunak ohar batean. Zentzu horretan, "lanean zein bidelagun jarduten" jarraituko dutela adierazi du, "hurbilen" dituzten "elkarteetatik hurreratuz". Adibide modura ipini dute "baliabiderik gabeko etorkinentzat" duten harrera proiektua. Horrekin segituko dutela aurreratu dute.
Jesusen Lagundiak 1841ean zabaldu zuen elkartea Durangon. Diotenez, "Ignaziotar espiritualtasunean oinarri sendoak ezarriak dituen profesional talde batek ikastetxea gidatzen" jarraituko duela adierazi dute.