"DRT familia bat da", azaldu dute taldeko arduradunek. Jokalariek taldean ibilbide oso bat egitea da durangarren helburua. "Jokalari izan eta gero ere, familiako parte izaten jarraitzea gura dugu monitore, entrenatzaile, zuzendaritzako kide edo beste postu baten". Bada, gaur arratsaldean familia osoa batu da Goienkalen egin duten taldearen aurkezpenean.
JAED elkarteari laguntza
Durango Rugby Taldeak JAED elkarteari eman gura zion maiatzeko Errugby Tag topaketan batutako dirua. Durangoko sei ikastetxeko eta Abadiñoko bateko gazteek -9 eta 17 urte artekoak- parte hartu zuten. Bakoitzak euro bat utzi zuen errugbi zelaian jarritako itsulapikoan eta diru hori JAED elkarteari ematea gura zuten. Batutakoa, baina, lapurtu egin zieten. Gauzak horrela, ostera ere batu dute dirua, eta gaur arratsaldeko ekitaldiak 1.001 euroko txekea eman diote JAED elkarteari.
