DRT-ko emakumeen taldeak 30 urte bete ditu eta jokalari ohien partiduarekin ospatu dute

Emakumeen taldeko jokalari ohien irudia (Argazkia: Luis Iturrioz)

Belaunaldi desberdinetako 40 bat jokalari batu ziren zapatuan Arripausuetan.

Iratxe Azpitartek, Virginia Sagarduyk eta Nerea Lasak, besteak beste, egindako antolakuntza lanari esker belaunaldi desberdinetako jokalariak batu ziren Arripausuetan eta beteranoen partidu bat jokatu zuten. “Belaunaldi gehienetako jokalariak batu ziren”, gogoratu du Ines Etxegibel jokalari ohiak. “Oso polita izan zen denok elkartzea eta aspaldiko kontuak gogoratzea”, adierazi du.

Argazkia: Luis Iturrioz

Durangaldeko albiste garrantzitsuak edo azken ordukoak whatsapp bitartez jaso gura dituzu? Bidali ALTA 688 635 041 telefono zenbakira.