Durangoko Fashion Gauerako modeloak aukeratzeko castinga egingo dute

Castinga irailaren 4an, eguaztena, izango da, Udal Euskaltegiko Berbagunean, 17:00etan.

Dendak Bai merkatarien elkarteak "izaera parte-hartzailea" izango duen casting bat egingo du irailaren 27ko Durango Fashion Gaua desfilearen laugarren edizioan parte hartuko duten modeloak aukeratzeko. Desfile horretan Durangoko saltokiek 2019ko udazken-negu denboraldirako proposamenak aurkeztuko dituzte.

Modelo profesionala izan nahi duzu egun batez? leloagaz, ekimena 16 urtetik gorako herritar guztiei zuzenduta dagoela azaldu dute, "gizonak eta emakumeak, neurri guztietakoak". Ekintzaren helburua herriko merkataritzari nabaritasuna ematea da, hiritarrak ere horren partaide eginez.

Durangaldeko albiste garrantzitsuak edo azken ordukoak whatsapp bitartez jaso gura dituzu? Bidali ALTA 688 635 041 telefono zenbakira.