Durangoko udalak ez daki noizko egongo den gertu lokal berria, baina argitu du Pinondo etxeko beheko solairua izango dela Geu Be elkartearen hurrengo egoitza. Durangon egindako azken osoko bilkurak erantzuna eman dio elkarteak aspaldidanik egindako eskaerari. Urteak zeramatzan Geu Bek lokal egokiago baten beharra azpimarratzen.
Erabakiarekin pozik agertu da Carmen Gerrikagoitia elkarteko lehendakaria: "Egon gara San Fausto auzoko eskoletan, Garai dorrean gaude orain, eta badirudi Pinondon izango garela etorkizunean. Elkartearen hasierara itzultzen ari garela ematen du, izan ere, Geu Beren lehenengoko bilkurak han egiten genituen, Pinondo etxean"
Udalak aurrerantzean lokala berregokitzeko proiektuari helduko dio. Proiektua diseinatu, lanak esleitu eta obrak garatuko dira etorkizunean. Proiektua bukatzeko data zehatzik ez dago momentuz.