Uztailaren 15ean, astelehena, Tabirako igerilekuak itxita egongo dira. Durangoko Udalak jakitera eman duenez, igerilekuko lurra labainkor dago eta horren ondorioz hainbat erorketa izan dira. Eroriko gehiago saihestu asmoz, astelehenean tratamendu ”eraginkor” bat emango dute.
Igerilekuak itxita egongo diren arren, gainontzeko instalazioak irekita egongo direla azpimarratu du udalak. Hau da, gune berdea, udako irakur gunea eta taberna, besteak beste.