Ima Garrastatxuk gidaturiko gobernuaren lehen neurriak "udaletxeko ateak irekitzeko" helburua du. "Jende eta eragile asko ahots gabe eta udalean solaskide gabe sentitu dira azken urteetan" adierazi du alkateak ohar baten bidez. Udalari inongo gasturik suposatuko ez dion neurri bat dela nabarmendu gura izan du Garrastatxuk.
Sail eta batzordeetako arduradunek ere parte hartuko dute bilera hauetan. Uztaileko osoko bilkuran zehaztuko da kargu horiek nortzuk beteko dituzten. Irailetik aurrera, ostera, auzo bilerak deitzen hasiko direla zehaztu du ohar berean.