Bainugelak indarrean dagoen irisgarritasun-araudira egokituko dituzte, igarotzeko ateen neurriak zabaldu, lurzoruak ordezkatu eta ekipamendu berriak jarri. Lanak uztailean hasiko dituzte eta zortzi asteko iraupena edukitzea aurreikusi dute. Aurreko gobernu taldeak sustatutako proiektua da.
Espainiar Estatu osoan irisgarritasun unibertsalaren zigilua duten eraikin gehien dituen udalerria da Durango. Aurrerantzean, Arte eta Historia Museoa, Tabirako futbol zelaia eta San Agustin Kultur Guneko eraikinak ere modu progresiboan egokitzea aurreikusita dago.