Hiri Debekatuaren mapan puntu beltz lez identifikatuta dago eremua, eta baita 2017an diseinatutako hirigintza inklusiboaren ekintza planean ere. Horregatik, bidegorria "seguruagoa eta inklusiboagoa" bihurtzeko neurriak garatuko dituzte obrekin. Hauek dira batzuk: argiztapen handiagoa LED sistemagaz, ikusmena oztopatzen duten landarediaren ordezkapena, hiri-altzarien birkokapena...
Horrez gainera, udalerriko beste zenbait puntutan antzerako ekintzak aurrera eramango ditu udalak. Astepe auzuneko atzealdea, Francisco Ibarratik Lehendakari Agirrerako tunela eta Askatasun etorbidea estazioko lurrekin batzen den ingurunea dira aipatutako gune horiek.