Juan Mari Balierren oroimenezko Durango-Durango Emakumeen Laboral Kutxa Sariak goi mailako txirrindulariak batuko ditu beste behin, hala nola, Annemiek Vlan Vleuten herbeheretarra. Bizkaia-Durangok, etxeko taldeak, ere parte hartuko du.
Klasikoa astelehenean, 15:00etan hasiko da, Ezkurdin. Durango, Iurreta, Abadiño, Berriz, Miota, Elorrio eta Abadiño zeharkatzen dituen zirkuituari bost itzuli emango dizkiote. Azken itzulian Garaitik Goiuriara igoko dira %20 arteko aldapekin. Lasterketa 18:00 inguruan amaituko da.
“Munduko ziklista onenak” ikusteko aukera egongo denez, zaleei “txirrindularitzaren jaira” batzeko deia egin diete Duranguesa elkarteko antolatzaileek.