Durango Rugby Taldeak bi urterik behin antolatzen duen torneoa zapatu honetan jokatuko dute. Emakumeen errugbia sustatzea du helburu eta sei talde batuko ditu: Durango Rugby Taldea, La Unica, Biarritz Olympique, Hernani, Getxo eta Neskarians.
Neskarians taldeak Barbarians taldeari egiten dio erreferentzia eta haren filosofia bera sustatzeko sortuko dute.Talde denetako jokalariz osatuta egongo da eta adiskidetasuna, kiroltasuna eta errugbiko gainerako baloreak sinbolizatuko ditu.
Sei taldeak bi multzotan banatuko dira. Ligaxkako partiduak goizean, 10:30etik aurrera, jokatuko dituzte. Arratsaldeko jardunaldia 16:00etan hasiko da eta bi talde onenek 18:00etan jokatuko dute finala. Ostean, parte-hartzaile denek Landako Gunean afalduko dute.
ORDUTEGIA-MAIATZAK 18
GOIZEAN
10:30. DRT-Hernani.
11:05. Getxo-La Unica.
11:40. DRT-Neskarians.
12:10. Familia argazkia.
12:15. Getxo-Biarritz.
12:50. Hernani-Neskarians.
13:25. La Unica-Biarritz.
ARRATSALDEAN
16:00. Bosgarren eta seigarren posturako partidua.
17:00. Hirugarren eta laugarren posturako partidua.
18:00. Lehenengo eta bigarren posturako partidua.
19:00. Sari banaketa.
20:00. Hirugarren denborako afaria Landako Gunean.