Durangoko emakume batek sexu-erasoa jasan zuen bart, 06:00 inguruan, bere bikotearen partetik. Etxean gertatu zen erasoa. Ondorioz, 28 urteko gizonezko zornotzar bat atxilotu dute.
Durangoko Udaleko Berdintasun Batzordetik eta Berdintasun Kontseilutik erasoa "gaitzetsi" eta biktimari "babesa" erakutsi diote. Gainera, herritarrei dei egin diete Andereak Elkarteak astero egiten duen kontzentrazioan parte hartzera: eguenetan, 20:00etan, izaten da, Andra Mariako elizpean.