Se Busca Homeroren La Odisearen berrirakurketa bat da. Bertan, bideak helmugak besteko garrantzia duela erakutsiko dute. "Inork baino urrutiago bidaiatu gura dugu falta zaiguna aurkitzeko, baina ez gara gai garrantzitsuena gure barne-bidaia dela ikusteko". Testuak Calderonenak eta Maria Cresporenak dira. Markel Ganboa durangarrak ere parte hartu du antzezlanean, ekoizpenaz arduratuta. Maiatzaren 4an eta 5ean dira emanaldiak, 20:00etan eta 19:00etan, hurrenez hurren.
Mariano Estudillok 'Se Busca' antzezlana taularatuko du San Agustin kulturgunean
Madrilen estreinu arrakastatsua eduki ostean, Mariano Estudillo durangarrak Tabula Rasaren azken proiektua ekarriko du Durangora. Hain zuzen ere, zapatuan eta domekan Durangoko San Agustin kulturgunean eskainiko dute 'Se Busca', Estudillo bera eta Itxaso Larrinaga aktore bilbotarra protagonista dituen antzezlana.
ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.
EGIN ZAITEZ KIDE!
EGIN ZAITEZ KIDE!