Bizkaia-Durango txirrindularitza taldeak 2019 urteari begirako asmoen berri eman zuen atzo Durangoko San Agustin kultur gunean egindako aurkezpenean. Iaz egindako lan onari esker Italiako Giroan parte hartzeko gonbidapena jaso dutela iragarri zuen Agurtzane Elorriaga taldeko zuzendariak. 23 urteko batez bestekora heltzen ez den talde gaztean Durangaldeko txirrindulari bi daude: Aroa Gorostiza eta Irene Loizate.