Durangoko galdeketa

Galdeketarako batzordearen gaurko batzarra ez dela egin ohartarazi du EH Bilduk

Markel Onaindia 2019ko ots. 25a, 17:13
Galdeketari buruz berba egin zuten urtarrileko ogasun batzordean, zenbait herritare ere bertan zirela.

Estazioko eremuko planari buruzko kontsulta antolatzeko batzorde berezi bat sortu zuen udalak, eta otsailaren 12an izan zen lehen batzarra. Hamabostean behin elkartzea adostu zuten, eta gaur tokatzen zen arren, deialdirik ez dela egin kritikatu du EH Bilduk.

Koalizioak sare sozialen bidez egin du ohartarazpena. "Galdeketa prestatzeko batzorde bat eratuko zela esan zuenean gobernu taldeak, salatu genuen epeak luzatu eta ezer ez egiteko mugimendu bat zela soilik, bazeudelako jada hau jorratzeko batzordeak. Denborak beste behin arrazoia eman digu", adierazi du mezuan.

ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!