Hurrengo saioa bihar izango da. Ohi bezala, denetariko diziplinak jorratzen dituzten aktoreek parte hartuko dute. La Wenpi, Endika (Dikothomia), Imanol Ituño, Quico Pugez, Traperuak, Nona, Gorka, eta Irati eta Sergio Jabaten arituko dira Gorka Gansok aurkeztuko duen saioan. Umorea, musika eta zirkua egongo dira, besteak beste. "La Noche Boludara etortzen diren artistak oso eskuzabalak dira. Ez datoz diruagatik, proiektuarekiko duten atxikipenagatik baizik. Badakite energia ona egoten dela eta bertako publikoa aparta dela", azaldu du koordinatzaileak. Proiektuak duen harreragaz pozik dago Paganini, jarraitzeko gogotsu. "Egitarauan tartetxo bat egiteko eskatzen didate askok, eta hori oso atsegina da bere horretan. Etorri eguen ezberdin bat ezagutzera", egin du gonbita.
Urrian ekin zioten La Noche Boludaren denboraldi berriari. Babesgune zuten Sapuetxe hormatu zutenetik, Plateruena kultur gunean topatu dute aterpea, eta bertan eskaintzen dute antzerki saio berezi hau, hilean behin, eguenez. Aldaketa derrigorrezkoa izan den arren, hazteko aukera ere izan da. "Publiko gehiago sartzen da", azaldu du Cecilia Paganini proiektuaren arduradunak. Ikusle gehiago sartu arren, artisten eta ikusleen arteko konexioa zaintzea da saioen gakoa. "Antzerkigintza mota hau baztertu egiten den arren, guk hauxe dugu gustuko, formatu txikia eta hurbilekoa", defendatu du.
ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.
EGIN ZAITEZ KIDE!
EGIN ZAITEZ KIDE!