Koalizio soberanistak 10etik 5,88ko nota jaso du Gizakerren 600 inkestatuen artean. EAJk bigarren nota onena jasotzen du, 5,73koa. Iaz eta duela urte bi eginiko ikerketekin alderatuta EH Bilduk gora egin du, hurrengo taulan ikusi daitekenez:
Ikerketak dio zinegotzi kopuru berbera errepikatuko dela maiatzean (EAJk 8, EH Bilduk 7, Herriaren Eskubideak 3, PSE-EEk 2 eta PPk 1), eta elkarrizketatutakoen %29,8ri udal hauteskundeak EAJk irabaztea gustatuko litzaiokela, %17,2k EH Bildu eta %3,7k Herriaren Eskubidea hautatzen duten bitartean. Hala ere, interesgarriak dira boto fideltasunagaz lotutako datuak. EH Bilduren boto emaileak lirateke fidelenak, EAJrenak gertu dituztela. Botoa aldatuko dutela diotenen kopurua hazi egiten da gainerako hiru alderdien kasuan, eta hauteskundeetarako garrantzitsuak izan daitekezke gorabehera horiek. Jarraian ikusgai: