Hitzordua hurrengo zapatuan izango da, Fuengirolan (Malaga). Deniba Konarerekin batera, 36 herrialdetako beste 500 judolari batuko dira. Durangar gazteak denboraldi hasiera bikainari esker —zilarrezko domina Vigon eta urrezkoa Avilesen— lortu du Europako Koparako sailkatzea. “Gure judolari bat hain txapelketa garrantzitsurako sailkatzen den lehenengo aldia da. Deniba diziplina handiko kirolaria da eta merezi du horrelako esperientzia bat bizitzea”, adierazi du Iñaki Salas Durango Judo Taldeko entrenatzaileak.