Horregatik, aukera bi ipini zituzten mahai gainean: pertsona horien garraioa diruz laguntzea eta taxisten kolektiboagaz hitzarmen bat sinatzea, kostu "eramangarriago" bat lortzeko. Mozioa aho batez onartu zuten alderdi politikoek.
Pilar Riosek (PSE-EE) udal gobernuaren izenean adierazi zuen arautegi bat "aurreratuta" dutela, eta taxistekin hitzarmena lotzea falta dela. Orain hiru urtetik dabiltza gaiaz berbetan udalean, eta oposizioak denboran luzatu izanaren kritika egin zion gobernuari. Ion Andoni del Amok (EH Bildu) gogoratu zuen badirela antzerako auzo-taxi ereduak inguruko herrietan, eta ez dagoela "ezer asmatu" beharrik. Patxi Lopez Lakunzaren (Herriaren Eskubidea) iritziz, zerbitzua martxan egongo litzateke "gobernuak gura balu".