Ludoteka eta gazte txokoa bisitatu dituzte Zornotzako Zelaieta zentroan. “Oso beharrezkoak diren zerbitzuak eta gaur Durangon ez daudenak", ohartarazi dute prentsa oharrean. "Kultura eta aisialdi eskaintza zabala eta arrakastatsua eskaintzen dute, batez ere, haur eta gazteei zuzendua, Durangon ahaztuta dauden populazio sektoreak", esan du Herriaren Eskubideko Julian Rios zinegotziak.
Horiez gainera, Zelaietako beste instalazioak ezagutu dituzte, David Murillo Ametx erakunde autonomoko dinamizatzailearen eskutik. Luciano Martinez zinegotziak ere azalpenak eman dizkie bertan.
Hurrengo egunetan beste herri batzuetako zerbitzuak bisitatuko dituzte durangarrek.
.