Bost deialdi egin ditu Durangoko mugimendu feministak, martxoaren 8ko greba feminista antolatzeko: urtarrilaren 20ean eta 30ean, otsailaren 10ean eta 20ean, eta martxoaren 3an. "Egun eta ordu desberdinak proposatu ditugu ahalik eta emakume gehienek parte hartzea gura genukeelako" adierazi dute deitzaileek.
Horrela, eguaztenetako asanbladak 18:30-20:30 bitartean izango dira. Domeketan, ostera, goizean izango dira. Andragunean izango dira batzarrak.