Durangoko 68 dantzari eta 8 txistulari taularatuko dira Bagabiz ikuskizunean

Anboto 2018ko abe. 20a, 09:52

Kriskitin dantza taldea ikuskizun berezi bat prestatzen ari da Bartolome Ertzilla musika eskolako txistulariekin batera, zapatu honetarako. 19:00etan izango da Plateruenean, doan. 

Artista ugari batuko dira eskenatokian. Izan ere, 68 dantzarik parte hartuko dute. "Kriskitin sortu zenean hasi eta gaurdaino dantzan jarraitzen duten dantzariak eta harrobiko txikienak, denak batera, bakoitzak bere trebetasuna eta grazia erakutsiz", azaldu dute Kriskitinekoek. euregaz batera zortzi txistulari egongo dira. 

Azaldu dute guztira hogei dantza eskainiko dituztela, Euskal Herriko zazpi lurraldeetakoak. 

ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!