Baina, 1985eko argazki honek erakusten duen lez, bere sorlekura bueltatu zen azoka, edo, behintzat, zati bat. Urte hartan, jende pilaketak saihesteko asmoz, liburuak merkatuan ipini zituzten, eta diskoak Andra Marian. Joseba Sarrionandiak, Txelu Angoitiak eta Jesus Mari Arruabarrenak kaleratutako Durangoko azoka 1965-2015 liburuan topatu daitezke argazki hori eta askoz gehiago.
Diskoak Andra Marian, eta liburuak merkatu plazan
Durangoko Azokak Andra Mariko elizpean eman zituen bere lehen pausoak, 1965ean, eta 1974an merkatu plazara lekualdatu zuten. Antza denez, aurreko edizioetan azokak hartutako oihartzuna ez zen sasoi hartako gobernadore zibilaren gustukoa. Erlijio arrazoiak aipatu eta Andra Mariko elizpean egitea galarazi zuen. 1996an Landakoko zabalgunera joan arte, merkatu plazan egin zen azoka.
ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.
EGIN ZAITEZ KIDE!
EGIN ZAITEZ KIDE!