Landetako hankapaluak eta Eugiko dantzariak, 'Durangon Folk'-en eskutik

Anboto 2018ko abe. 5a, 13:00

Euskal Herriko folklorea eta beste lurralde batzuetakoa ere erakusteko asmoagaz jaio zen Durangon Folk jaialdia, orain 20 urte.

Kriskitin dantza taldearen eskutik hamaika dantza talde eta musikari etorri dira Durangora, tokian tokiko folklorea ezagutzera eta gozatzera gonbita eginez: Galizia, Herrialde Katalanak, Gaztela, Asturias, Menorca, Andaluzia, Murtzia, Aragoi, Txina, Kolonbia, Kroazia, Kuba... Askotarako eman dute urte hauek.

Urteurren borobila du dantza eta musika jaialdiak oraingoa, eta dantzatuz ospatuko dute. Nafarroako Eugiko dantza taldea eta Landetako Mont de Marsan herriko Lous Tchancayres hankapalu taldea etorriko dira Durangora, abenduaren 8an. Kriskitin dantza taldeagaz batera musika eta dantza zabalduko dute Durangoko kale eta plazetan, 12:00etan hasi eta 14:00ak bitartean. Jaizale txistulari taldea eta trikitilariak izango dituzte lagun.

ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!