Maputxeen mapuzungun hizkuntzaren biziberritzea azalduko dute 'Mai da bai' dokumentalagaz

Markel Onaindia 2018ko aza. 27a, 12:14

Garabide elkarteak sustatutako dokumentala eguen honetan proiektatuko dute, 19:00etan, Plateruena kafe antzokian. Dokumentalaz aparte, maputxe komunitateko Sergio Marinao aktibista eta Garabideko boluntario Marisa Barrena arituko dira solasean.

Lankidetzaren alorrean munduko hizkuntza gutxituen biziberritze prozesuak bultzatzen ditu Garabidek euskararen esperientziatik abiatuta, eta Durangoko zenbait eragilek eta udalak urteak daramatzate  jardun hori babesten.

Abenduaren 16ra bitartean, hamabi hizkuntza gutxitutako aktibista diren hogei indigena daude Euskal Herrian, bai unibertsitatean klaseak jasotzen, bai euskalgintzako eragileengana bisita didaktikoak egiten eta baita herriz-herrikako biran ere.

Erlazionatuak

ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!