Urteko egun guztietarako menua banatuko da, eta hauexek izango dira prezioak: bakarrik bizi diren eta pentsioa 800 eurokoa edo baxuagoa dutenentzat, eguneko 4,5 euro; bikotean bizi diren eta pentsioa 1.300 eurokoa edo baxuagoa dutenentzat, berdin, 4,5 euro. Zenbateko horiek baino pentsio altuagoa dutenentzat, eguneko menuaren prezioa 6,5 euro izango da. Udalarentzat 7,1 euroko kostua dute menuek.
Riosen esanetan, nagusien segurtasuna eta autonomia indartzeko helburuz sortu dute egitasmoa. Adibidez, istripuak saihestea erraztuko duela uste du. Elikadura aldetik, menuak, dietak osatzen aditua den pertsona batek egingo dituela azaldu du.
Zerbitzuan izena emateko Adinekoen Udal Egoitzara jo behar da. Hain zuzen, han ere nagusientzako menuak eskaintzen dituzte egunero, udalak sustatuta.