Batez ere arrazoi ekonomiko eta sozialek bultzatuta etorritako pertsonak dira Jesuiten Etxean hartu dituztenak, gehienak Saharaz Hegoaldeko Afrikatik heldutakoak. Katxoren esanetan, baliabiderik barik egoten dira, "ez dute nora jo edukitzen". Urtebetez Jesuiten Etxean ematen diete aterpe, eta beste urtebetez alokairuan hartuta duten pisu batean. Etxean lau lagun egoten dira bizitzen gehienez, eta alokatutako pisuan, hiru.
Bertako gizartean eta kulturan murgiltzen eta lanerako prestatzen laguntzen diete, Katxok dioenez. Esaterako, Sartu-Zabaltzen enpresako ikastaroetan parte hartzen dute, eta pertsona nagusien eskolan ikasi. Gainera, gaztelaniaren oinarriak irakasten dizkiete jubilatutako irakasle sare baten bidez.
Disko aurkezpena
Proiektua laguntza pribatuei esker finantzatzen dute, eta bide horretan kokatzen da biharko kontzertua ere. Emanaldirako sarrerak bost euro balioko du. Irizarrek Pedaleando izeneko diskoa aurkeztuko du, txirrindulari ezagunengan oinarritutakoa; bere diskografia marduleko berriena da. 19:00etan hasiko da kontzertua, Jesuitetako Arrupe aretoan.