Istripu horren harira, auzoan bizi duten egoeraz eta "segurtasun faltaz" kexa helarazi gura izan du auzokide batek. Jende askok saihesbide lez erabiltzen du errepide hori, Durango eta Abadiño arteko tartea egiteko. "Auzobide bat da, baina errealitatean saihesbide bat da", dio auzokideak. Autoak oso bizkor joaten direla dio, eta horrek arriskua sortzen duela baserri inguruetan eta handik pasioan dabiltzanengan. "Sarritan egon gara udaletxean, baita udaltzainekin ere, baina udalak ez du kasurik egiten. Norbait harrapatu arte ez dute ezer egingo", kritikatu du Eguzkitzako bizilagun honek.