Sentsibilitate zentraleko gaixotasunak lau ataletan sailkatzen dira: neke kronikoaren sindromea, fibromialgia, sentsibilitate kimiko anizkoitza eta elektrohipersentsibilitatea. Gaur egun ez dago gaixotutako pertsonen erroldarik, baina adituek uste dute herritarren %2 eta %15aren artean eduki dezaketela horietakoren bat. Durangon, laurak batera dituen emakume bat bizi da, eta bere ingurukoek sortu dute elkartea, erkidego mailan ere eragiteko asmoa duena.
Durangar honi hainbat sistemetan eragiten diote eritasunek: nerbio-sisteman, zirkulazioan, arnasketan, liseriketan, metabolismoan... Gai toxiko, kimiko eta elektromagnetikoen esposizioak kalte egiten diotela azaldu dute elkarteko kideek. Ondorioz, ezin du bizitza normal bat egin; telefono edo Wi-fi seinaleek kalte egiten diote, adibidez. Etxetik ateratzeak gaixotzea suposatu ahal du beretzat.
Datozen asteburuetako maratoien inguruko informazioa: Durango Kirolak