Parke berriaren inaugurazio herritarra datorren asteko asteazkenean, 18:30ean, izango da parkean bertan (San Frantzisko eskolan euria eginez gero). Antso Estegiz, San Frantzisko eta Juan de Itziarreko auzokideei bertaratzeko deia egin diete. Inaugurazioaz gainera, auzoan arazo diren beste gai batzuk tratatuko dituzte, hala nola, Matute plazaren egoera, aparkaleku falta, Antso Estegiz kalearen egoera...
Deialdi honetaz gainera, hurrengo aste eta hilabeteetan Durangoko beste auzo askotara joateko intentzioa dutela aurreratu dute: Aramotz, Murueta Torre/Ibaizabal, Sasikoa/San Inazio, Alde Zaharra... Datak hurbildu ahala, joango dira batzarretako egunak zehazten.