Durangoko jaiak

Sokamuturrari buruzko galdeketa egitea eskatuko diote Durangoko Udalari

Durangoko jaietako tradizio ezagunenaren aurkako manifestazioa egin dute, gaur arratsaldean. 70 lagun inguru batu dira udaletxearen aurrean, eta  alde zaharra zeharkatu dute 'Zezenak Dira'-ren aurka. Sokamuturrean animaliek "fisikoki eta psikologikoki" sufritzen dutela salatu dute manifestariek. Jorge Iraurgi PACMAko kideak aurreratu duenez, sokamuturraren inguruko galdeketa egitea eskatuko duiote Durangoko Udalari.

Durangoko Udalak sokamuturra diruz laguntzearen aurka daude. Beraien zergekin sokamuturrik ez antolatzeko eskaera egin diote udalari. "Sokamuturra Durangoko historia izatera pasa behar da", diote manifestazioaren arduradunek.

Durangaldeko albiste garrantzitsuak eta azken ordukoak Whatsapp edo Telegram bitartez jaso gura dituzu? Hauek dira bi aukerak.

WHATSAPP: Bidali ALTA 688 635 041 telefono zenbakira.

TELEGRAM: Batu zaitez @anbotokomunikabideak kanalera.