Durangoko jaiak

Duatloi herrikoia adin guztietako kirolarientzat

Aurten ere ez du hutsik egingo Mugarra Triatloi Taldearen ekitaldi jendetsuak. 13. aldiz Duatloi Herrikoia antolatu dute domeka honetarako. Santa Ana plaza izango da erdigunea.

Ume, gazte zein nagusi, hantxe batuko dira denak duatloiaren inguruko festan. Nagusien lasterketa —15 urtetik gorakoak— 12:00etan hasiko da. 4 kilometro egingo dituzte korrika, 13 bizikletan eta beste bi korrika.

Aurretik, gazteen txanda izango da, 8 eta 14 urte artekoetatik hasita. 10:30ean 600 metroko korrika saio biri eta 3 kilometroko bizikleta ibilaldiari aurre egingo diote. Ostean, 11:00etan, 7 urtetik beherakoen txanda izango da: 300 metroko korrika saio bi eta kilometro bat bizikletan.

Izen-ematea egunean bertan egin daiteke, Santa Anan jarriko duten postuan, 09:00etan hasita edo proba bakoitza hasi baino ordu erdi lehenagora arte. Nagusiek 3 euro ordaindu beharko dituzte, eta haurrek, euro bat.

Durangaldeko albiste garrantzitsuak eta azken ordukoak Whatsapp edo Telegram bitartez jaso gura dituzu? Hauek dira bi aukerak.

WHATSAPP: Bidali ALTA 688 635 041 telefono zenbakira.

TELEGRAM: Batu zaitez @anbotokomunikabideak kanalera.